د. صلاح التوم إبراهيم/ السوودان
_________________
نود اليوم أن نقف مع حضرة نبع العطاء فنان السودان الإنسان الأستاذ محمد ميرغني الذي أثرى وجدان الشعب السودان والشعوب العربية بأحلى الأنغام، واجمل الكلمات .
فقد فقدت البلاد الأستاذ والمربي والفنان صاحب النزعة الإنسانية النبيلة ( محمد ميرغني) وصاحب البصمة الفنية الواضحة والمتفردة والمتميزة …. صباح الاثنين 12 / 12 / 2023 بعد صراع طويل مع المرض وذلك بمستشفى ود مدني ولاية الجزيرة .
ولد الفنان ميرغني محمد ابنعوف مجذوب الشهير بـ (محمد ميرغني) في حي السيد مكي بمدينة ام درمان في العام 1942 م وبدأ دراسته الأولية بمدرسة شيخ أمين بجوار سينما الوطنية بالخرطوم بحري وأكمل تعليمه بمدارس الأحفاد بأ م درمان ومعهد التربية بشندي والذي تخرج فيه مدرسا ومارس مهنة التدريس وتردد على عدد من المدارس
تعد فترة الستينيات هي الفترة الذهبية للغناء السوداني حيث كانت الساحة الغنائية تعج بالعمالقة فاستطاع أن يشق طريقه وان يقدم نفسه بصورة قوية فاضحي أحد عمالقة الفن السوداني .
التحق بالمعهد العالي للموسيقى والمسرح في العام 1969 م، وتخرج في العام 1974 م.
شعراء أغنياته :
تعامل مع عدد كبير من الشعراء منهم :
إسماعيل حسن : اشتقت ليك, حنان الدنيا, عيونك ديل, غريب, أفراح البلد
التجاني حاج موسى : تباريح الهوى, حلو العيون, الكانوا قبلك, ياطير ياراجع لعشك, انا حبيتك آنت, ليلتين علي
مصطفى سند : عشان خاطرنا
صلاح أحمد إبراهيم : سهمك الفتاك
السر أحمد قدور : حنيني إليك
حسن الزبير :- لابتفاصلي لابتواصلي, حالك باهي, الريدة, ولا الصابر انا ولا الباكي, جراح الحب
كامل عبد الماجد : أخليك
عبد العزيز سيد احمد : حبابن جن
صديق مدثر : سبأ
علي شبيكة : شفتك وابتهجت
محمد بشير عتيق : شذى الياسمين
عثمان خالد : سمحة سمحة الصيدة
صلاح حاج سعيد :- ما قلنا ليك, لوكان عصيت
السر دوليب :- لو قدرت تغيب علي, انا والأشــواق, مابتقدر تتوب ياقلبي, مين فكرك ياحبيب
محمد عبد القادر أبوشورة : عاطفة وحنان, احترت فيك
علي ميرغني : ست البنات
السر سيد احمد :- لو تعرفي حتى الوردة
حدربي محمد سعد : النازلة ماشة على البحر
سعد الدين إبراهيم : حبيبي كلما, الشارع الخالي
فضل الله محمد : المطارات
عمر محمود خالد : لما تضحك ياجميل
من أغنيات الحقيبة والتي دائما مايتغنى بها الفنان محمد ميرغني (ارجوك يانسيم روح ليه) لمحمد بشير عتيق والبديع الهواك سباني لأبو صلاح
من الملحنين الذين تعامل معهم :
الراحل حسن بابكر
والفنان الراحل المقيم العاقب محمد حسن.
والملحن محمد سراج الدين
والملحن وعازف الكمان المشهور عبد الله عربي
والشاعر التجاني حاج موسى
والملحن وعازف الايقاع عبيد محمد أحمد
وغيرهم من الملحنين.
واللحن الوحيد للفنان محمد ميرغني أغنية ليلتين علي للشاعر التجاني حاج موسى
وله العديد من الأغنيات الجديدة للعديد من الشعراء.
متزوج وله من الأبناء بكري وعلي ووليد ومن البنات سلمى وسارة.
وكانت له بصمة فنية واضحة على خارطة الغناء السوداني وهو من المطربين القلائل الذين أجادوا الغناء بالفصحي والعامية السودانية وشكل ثنائية متفردة مع عدد من الشعراء.
تميز صوت محمد ميرغني بالعذوبة والرقة، وعرف بأسلوبه المتميز في أداء الأغاني التراثية السودانية. كما كان من أبرز الفنانين الذين ساهموا في تطوير الموسيقى السودانية الحديثة.
(وتبقى سيرتك هى الكلام)
ومن أغنياته ذائعة الصيت “ما قلنا ليك” للشاعرصلاح حاج سعيد:
شوف كم زمن ما شلنا هم
ولا عشت يا قلبى العذاب
و سرحت فى ليل الشجون
ما عرفت لى دربك مااب
الحب طريق محفوف صعاب
وانت لسه فى اولو
ما قلنا ليك الحب طريق قاسى
ما رضيت كلااامنا و جيت برااك
اهو دا العذاب اتحملو..
وتغني للسرقدور”حنيني إليك”:
وليل الغربة اضناني
وطيف ذكراك بدمع القلب أبكاني
أقول ياريت زماني الفات يعود تاني
وألقاك ياحبيب عمري وتلقاني
تلقي الريد معايا لحظة مانسيتك ولانساني
ومابنساك ومابقدر ولاعايز بعد حبك أحب تاني
ومع الشاعر اسماعيل حسن “اشتقت ليك”:
ساعة المساء فرد الجناح
لملم مصابيح النهار
والكون شرب لون الجراح
والعتمة نامت في الدروب
والليل لبس اجمل وشاح
في اللحظة ديك اشتقت ليك واحتجت ليك،
في اللحظة ديك
والناس بتسأل عن بلادا
اصلو مامعروفة وين
اشتقت ليك،،
و “انا والأشواق”
للسر دوليب :
انا والاشواق فى بعدك..
بقينا اكتر من قرايب..
مابنغيب عن بعض ابدا..
زى اعز اتنين حبايب..
و”تباريح الهوى” مع التجاني حاج موسي:
ﺩﺓ ﺍﻟﺠﺎﻧﻲ ﻣﻨﻚ ﻭﻣﻦ ﺗﺒﺎﺭﻳﺢ ﺍﻟﻬﻮﻯ
ﻭﺻﻔﻮ ﺑﺼﻌﺐ ﻳﺎ ﺟﻤﻴﻞ
ﻭﺑﻌﺪﺕ ﻋﻨﻚ ﻭﻟﻤﺎ ﻃﺎﻝ ﺑﻲ ﺍﻟﻨﻮﻯ
ﺑﻘﻰ ﻟﻲ ﺃﺳﻴﺒﻚ ﻣﺴﺘﺤﻴﻞ
ﺗﺒﻘﻰ ﺳﻴﺮﺗﻚ ﻫﻰ ﺍﻟﻜﻼﻡ
ﻭﺗﺒﻘﻰ ﺻﻮﺭﺗﻚ ﻫﻰ ﺍﻟﺮﺅﻯ ﺍﻟﺤﻠﻮﺓ ﺍﻟﺒﻌﻴﺸﻬﺎ
ﻓﻰ ﺻﺤﻮﺗﻲ ﺃﻭ ﺣﺘﻲ ﻓﻲ ﻋﺰ ﺍﻟﻤﻨﺎﻡ
ﻭﻳﺒﻘﻰ ﺇﺳﻤﻚ ﻫﻮ ﺍﻟﻐﻨﺎ
ﻫﻮ ﺍﻟﺒﺨﻔﻒ ﻟﻲ ﻋﺬﺍﺑﺎﺕ ﺍﻟﻀﻨﻰ
و”مين فكرك ياحبيب” ابداع الشاعر الجميل السردوليب:
مين فكرك يا حبيبي مين الهداك اليا
جرحى قرب يطيب جددته تانى عليا
انا قلت حبنا راح مر الزمان وطواه
والباقى منة شجن وعذابنا فى ذكراه
لقيتة اكبر حب بين القلوب ماواه
ماقدرت يوم انساه ولا هان على اسلاه
و”ﻛﻠﻤﻨﻰ ﻳﺎ ﺣﻠﻮ ﺍﻟﻌﻴﻮﻥ”
ﻟﻠﺸﺎﻋﺮ ﺍﻟﺘﺠﺎﻧﻰ ﺣﺎﺝ ﻣﻮﺳﻰ:
ﻛﻠﻤﻨﻲ ﻳﺎﺣﻠﻮ ﺍﻟﻌﻴﻮﻥ
ﺣﻴﺮﻧﻲ ﺻﻤﺘﻚ ﻳﺎ ﺣﻨﻮﻥ
ﺍﺭﻗﻨﻲ ﺳﻬﺮﻧﻲ ﺍﻟﻠﻴﺎﻟﻲ
ﻏﺮﻗﻨﻲ ﻓﻲ ﺑﺤﺮ ﺍﻟﻈﻨﻮﻥ
ﻭﻳﻦ ﺍﻟﻌﺒﺎﺭﺍﺕ ﺍﻟﺠﻤﻴﻠﻪ
ﻭﺭﻧﻪ ﺍﻟﺤﺐ ﻭﺍﻟﺠﻤﺎﻝ؟ !
ﻭﻳﻨﻦ ﻣﺸﺎﻭﻳﺮ ﺍﻟﻌﺼﺎﺭﻱ
ﻭﺍﻟﺨﻄﻲ ﺍﻟﻔﻮﻕ ﺍﻟﺮﻣﺎﻝ؟ !
ﻭﻣﻨﻈﺮ ﺍﻟﻨﻴﻞ ﻓﻲ ﺍﻟﻐﺮﻭﺏ
ﻳﻨﺎﺩﻱ ﻟﻴﻜﺎ ﻳﻘﻮﻝ ﺗﻌﺎﻝ
ﺻﺪﻗﻨﻲ ﻣﺎﺑﺤﻤﻞ ﺑﺮﺍﻙ
ﻣﺎﻋﻨﺪﻱ ﻗﺪﺭﻩ ﻋﻠﻲ ﺍﻟﻈﻨﻮﻥ
ﻛﻠﻤﻨﻲ ﺧﺖ ﺍﻟﻠﻮﻡ ﻋﻠﻲ
ﺃﻧﺎ ﺑﺮﺿﻲ ﺑﺎﻟﻜﺎﺋﻦ ﻳﻜﻮﻥ
ﺑﻔﺮﻕ ﻛﺘﻴﺮ ﻭﺑﺘﺤﺴﺐ ﻛﻞ ﻳﻮﻡ ﻳﻤﺮ
ﺑﻔﺮﻕ ﻛﺘﻴﺮ ﻃﻌﻢ ﺍﻟﺤﻠﻮ ﻟﻮﻳﺒﻘﻲ ﻣﺮ
و “عاطفة وحنان ياناس
الشاعر: محمد عبد القادر ابو شورة :
عاطفة وحنان يا ناس وإنسان رقيق وناس
وعيون تضوي الليل وقليب رقيق حساس
ضمتنا جلسة ريد .. نستنا دنيا الناس
ما شفنا فيها ملل .. ولا طاف علينا نعاس
وله العديد من الاغنيات التي لا يسع المجال لذكرها
فقد ساهمت أغنياته في تشكيل الوجدان السوداني وفي إثراء الساحة الفنية السودانية ….
رحل استاذ الأجيال القامة الفنان محمد ميرغني عن عالمنا، لكنه ترك وراءه إرثاً فنياً خالداً، سيظل يتردد صداه في أذهان محبيه في السودان والعالم العربي.
بعد حياة مؤثرة في الوطن بأدوار وطنية حقيقية وإيمان بقيمة الفن في المجتمعات. تغمده الله بواسع رحمته
إنا لله وإنا إليه راجعون
